(台語羅馬拼音)
Chit lé-pài lâi choe chi̍t-koá kú-pān party ê sî-chūn ē-sái chún-pī ê chia̍h-mi̍h! Kài-siāu ê long sī kan-tan koh ē-tàng chi̍t chúi chiah lo̍h ê finger food. Choè-āu (choân-pō͘ teng oân), lâi pān tâu-phiò ê oa̍h-tāng, ho͘ tāi-ke soán chhut siōng siūⁿ beh chiah ê chi̍t hāng party food lo͘!
Kin-á-ji̍t kài-siāu ê sī chiok kan-tan choe, chí-iàu bé hó châi-liāu, kap kap leh tio̍h-sī party food la - chhè piáⁿ hê-jîn chiu
Châi-liāu:
hê-jîn, kui boé
hê piáⁿ, hoan-be̍h piáⁿ, hô-lân-chî piáⁿ long ē-sái, kui phìⁿ
Iân-sui hio̍h, kui hio̍h
Tzatziki sǹg sī Hi-lia̍p (Greece) ê chi̍t chiong ùn-chiùⁿ! Goá ê chi̍t-ê iau-kiau bí-lē ê Hô-lân bí-lú pêng-iú, i kap gún khì Hi-lia̍p (Greece) chhan-koán chiah àm-tǹg, i long ài seng tiám nn̄g poaⁿ tzatziki ùn nn̄g lâng hūn ê pita bread chiah ē sim-moá-ì-chiok khai-sí chiah chú si̍t kap tiⁿ-lō͘.
Tzatziki ê choè-hoat, chhiáⁿ chham-khó Xristina ê bāng-chām, i kài-siāu liau chiok siâng-sè, goá sī àn-chiàu i-ê si̍t-phó͘ choe ê.
Chhè-piáⁿ ê pō͘-hūn, goân-lâi ê si̍t-phó͘ sī iōng papadum (chi̍t chiong Ìn-tō͘, iōng bí hún khì hang ê po̍k piáⁿ), goá bé bô hiah-ni̍h sè ê papadum, só͘-í bé chhiau-chhī chū-iú phín-pâi ê hô-lân-chî piáⁿ lâi tāi-thè.
choè-hoat:
Theh chi̍t phìⁿ hô-lân-chî piáⁿ, iúⁿ chi̍t sè-thng-sî ê tzatziki chiùⁿ tī bīn-téng, pâi lo̍h thǹg hó khǹg liâng ê hê-jîn, choè-āu pâi siōng chi̍t phìⁿ iân-sui hio̍h, tioh ē-sái lih.
Iân-sui hio̍h m̄-nā sī pâi súi, mā ē ke-thiⁿ só͘-iú ê si̍t-châi choè-hoé tī chúi lāi-té kap khí-lâi ê bī o͘.
(台語漢字)
這 禮拜 來 煮 一寡 舉辦 party 的 時陣 會使 準備 的 食物! 介紹 的 攏 是 簡單 閣 會當 一 嘴 食 落 的 finger food. 最後 (全部 貼完), 來 辦 投票 的 活動, 呼 大家 選 出 尚 想 欲 食 的 一 項 party food 囉!
今仔日 介紹 的 是 足 簡單 做, 只要 買 好 材料, 合 合 leh 著是 party food 啦 - 脆餅蝦仁舟
材料:
蝦仁, 幾尾
蝦餅, 番麥餅, 荷蘭薯餅 攏會使, 幾片
芫荽葉, 幾葉
tzatziki 算 是 希臘 (greece) 的 一 種 搵醬! 我 的 一個 妖嬌 美麗 的 荷蘭 美女 朋友, 伊 及 阮 去 希臘 (greece) 餐館 食 暗頓, 伊 攏 愛 先 點 二 盤 tzatziki 搵 二 人 份 的 pita bread 才會 心滿意足 開始 食 主食 及 甜路.
tzatziki 的 做法, 請 參考 xristina 的 網站, 伊 介紹了 足詳細, 我 是 按照 她的 食譜 做的.
脆餅 的 部分, 原來 的 食譜 是 用 papadum (一 種 印度, 用 米 粉 去 烘 的 薄 餅), 我 買 無 hiah呢(那麼) 細 ê papadum, 所以 買 超市 自有 品牌 的 荷蘭薯餅 來 代替.
做法:
提一 片 荷蘭薯 餅, 舀 一 細湯匙 的 tzatziki 醬 佇 面頂, 排 落 燙好 khǹg 涼 的 蝦仁, 最後 排 上 一 片 芫荽葉, 就 會使 哩.
芫荽葉 不但 是 排suí, 嘛 會 加添 所有 的 食材 做夥 佇 水 內底 合 起來 的 味 喔!
留言列表