11/26 Ô-á-liâu Chi̍p-su-siā iau-chhiáⁿ Tēⁿ Ngá-î lāu-su lâi Ko-hiông Tāi-ha̍k káp goán hun-hiáng.
Khoàⁿ--khài phok-si̍t un-sûn, bô-gī khui-chhuì ē kiaⁿ-tó-lâng. 1 uī tông-o̍h án-ne hêng-iông Ngá-î lāu-su.
Khí-kó͘
tō 2 ê chù Tâi-gí kiám-tēng kháu-chhì tiám-sò͘ ê sî, thiaⁿ--tio̍h ê
chhiò-khoe. In-uī lô-má-jī bô sek, 1 ê lóng-tho̍k ê sî-chūn thu̍h--1 ē
soah kā Ka-ba-lan ê tē-hō-miâ, kiat-lē-kán, tha̍k-choh khiā leh kàn. 1
ê sī kā sak in a-kong chhut--lâi kóng-choh sái in a-kong chhut--lâi.
Ná leh sái lín niâ, sái in pâ--leh, ē hőng siūⁿ tuì hia--khì. 
"kin-nî joa̍h--lâng tio̍h si che, uì chhoh-kàn-kiāu chhiat-ji̍p phoe-phoàⁿ sèng-pia̍t ê būn-tê. God kám it-tēng sī "káng"--ê?"
"Bûn-ngá,
chho͘-siok siáng kui-tēng--ê?" "Chhoh-kàn-kiāu lāi-té ê 1 koá-á ì-sek
hêng-thài, tuì cha-bó͘-lâng ê khoàⁿ-khin, phian-kiàn, lín kám-ū su-khó--koè?" Che sī Ngá-î lāu-su mn̄g--goán ê 2 ê būn-tê.
↑"《Taivoan Ai-koa》...che ...,ah nā 《Kàn》chit-siú chin-chiàⁿ ū-kàu cool--ê-lah. Goân-lâi mē pháiⁿ-chhuì mā ē-tàng chiah chhù-bī--tio̍h" Lēng-goā 1 uī tông-o̍h ê hun-hióng.
Ngá-î lāu-su, lí chiâⁿ-si̍t ke hoan-ló--ê. Bô-kàu hiam m̄-chiah ē thiaⁿ liáu kui-keng peh leh lōng. Beh ha̍h goán chia siàu-liân-ke ê khuì-kháu tō sī ài chit-khoán tāng kháu-bī--ê. Ah nā hit-khoán hû-ha̍p lāu-kó͘-tóng phêng-sím ê siā-hoē chú-liû kè-ta̍t-koan--ê, goán siàu-liân-lâng bē-ha̍h--lah.
Tâi-á-téng teh chhoh-kàn tōng-soān, lín tī tâi-á-kha goân-á tn̂g-kam bi̍t-tiⁿ--neh. 
留言列表