Ai Tai-bun News

Lâm-lú ê senn-si̍t khì-kuan  男女ê生殖器官

Tsi-ná kok ê tiong-iong the-le-bi tuā-lâu,kîng-si̍t sī tsiàu "lâm-lú ê senn-si̍t khì-kuan" ê hîng-tsōng lâi siat-kè ê.

支那國ê中央電視大樓,窮實是照"男女ê生殖器官"ê形狀來設計的.

Hū-tsik siat-kè ê kiàn-tiok su Rem Koolhaas tī i ê sin-tsheh "Content" lāi-té sîng-jīn, I kóng hit-tòng tuā-lâu sī "puē-āu uī" ê sìng-ài tsu-sè. tsú-lâu sī tsi̍t-ê tsa-bóo kuī-leh ê hîng, hù-lâu sī lān-tsiáu ê hîng kap i siong-ìng. i ê luē-hâm sī senn-si̍t tsông-pài, sī hui-siông sîn-sìng ê hîng-uî, tsua̍t-tuì m̄-sī siâ-ok ê.

負責設計ê建築師Rem Koolhaas 佇伊ê新冊"Content"內底承認, 伊講彼棟大樓是"背後位"ê性愛姿勢. 主樓是一个查某跪咧ê形, 副樓是膦tsiáu ê形佮伊相應. 伊ê內涵是生殖崇拜, 是非常神聖ê行為, 絕對毋是邪惡的.

Hit-tòng tuā-lâu hōo TIME tsa̍p-tsì suán tsò "2007 nî sè-kài 10 tuā kî-ti̍k kiàn-tiok", tn̂g-kî lâi kap tsiáu-á-siū kâng-khuán, it-ti̍t sī tsi-ná lâng ê kong-îng.

彼棟大樓予TIME雜誌選做"2007年世界10大奇特建築",長期來佮鳥仔岫仝款,一直是支那人ê光榮.

M̄-koh, tsit-má Tsi-ná kok ê ài-kok tsì-sū suà lóng khì kah puànn-sí.

毋擱, tsit-má支那國ê愛國志士suà攏氣kah半死.