Âng-liân-ian kng
紅鰱煙捲
(台語羅馬字 + 台語漢字)
Châi-liāu: 材料:
Tortilla (mī-hún tortilla) Tortilla (麵粉 tortilla)
Sng lin (sour cream) 酸奶
Chive Chive
Âng-liân-ian 紅鰱煙
Hūn-liōng goá bô siá, ki-pún siong, chi̍t tiuⁿ mī-hún tortilla so͘ pau chhut--lâi ê âng-liân-ian kng, ē-tàng chhiat choe sì sio téng-hun. Sng lin chha-put-to sī nn̄g toa thng-sî, chive chhang-á chu sī chi̍t toa thng-sî, âng-liân-ian bô kàu 30g.
份量我無寫, 基本上, 一張麵粉tortilla所包出來的紅鰱煙捲, 會當切做四小等分. 酸奶差不多是兩大湯匙, chive蔥仔珠是一大湯匙, 紅鰱煙無到30g
Choè-hoat:
1. Chive (sè ki chhang-á) chhiat choe iù chhang-á chu, ka ji̍p sng lin lāi-té, lā ho͘ chiâu-ûn.
2. Theh chi̍t tiuⁿ tortilla, boah sng-lin chiùⁿ, boah chiâu-ûn, tān-sī piáⁿ phoê sì chiu-ûi long lâu chi̍t kong-hun mài boah tioh.
3. Âng-liân-ian pai leh piáⁿ phoê ê tiong-ng.
4. Kā tortilla kńg khí-lâi, nn̄g pêng chhiat tiàu, chiah koh kā âng-liân-ian kng chhiat sì téng-hun. Oân-sêng!
做法:
1. Chive (細枝蔥仔) 切做幼蔥仔珠, 加入酸奶內底, 撓乎齊勻
2. 提一張tortilla, 抹酸奶醬, 抹齊勻, 但是餅皮四周圍攏留一公分勿抹著
3. 紅鰱煙排leh餅皮的中央
4. Kā tortilla 捲起來, 兩爿切掉, 才閣kā紅鰱煙捲切四等分, 完成!
留言列表