Apple Turnover
Saⁿ-kak hêng ê lín-gò͘ phài piáⁿ
三角形的lín-gò派餅
(台語羅馬字+漢字)
Lín-gò͘ āⁿ ê pō͘-hūn, chhiáⁿ chham-khó lín-gò͘ phài ê kài-siāu.
So͘ sú-iōng ê mā-sī so͘-iû mī-hún phoê, lēng-goā, mā ài nama khu-lín (whipped cream/phah hoat ê khu-lín-mu)
所使用的嘛是酥油麵粉皮, 另外, 嘛愛nama khu-lín (whipped cream/打發的鮮奶油)
choè-hoat: 做法:
So͘-iû mī-hún phoê chhiat chha-put-to 12cm x 12cm ê toa-sè, sám soa-thn̂g tī leh mī-hún phoê ê bīn-téng, koh chhiat choè saⁿ-kak-hêng, khǹg-ji̍p hang-lô͘, iōng 180°C hang 20 hun-cheng. Theh chhut—lâi khǹg ho͘ liâng.
酥油麵粉皮切差不多12cm x 12cm 的大細, 摻砂糖佇leh 麵粉皮的面頂, 閣切做三角形, khǹg入烘爐, 用180°C烘20分鐘
Āⁿ ê pō͘-hūn mā-sī seng chún-pī hó, khǹg ho͘ liâng.
餡的部份嘛是先準備好, khǹg乎涼
choè-āu, tio̍h-sī kā só͘-ū ê châi-liāu long kap khí-lâi. Kā lín-gò͘ āⁿ pau leh nn̄g tiuⁿ so͘-iû phoê ê tiong-ng, chek chi̍t koa nama khu-lín, tioh oân-sêng a.
最後, 著是kā所有的材料攏及起來. Kā lín-gò 餡包leh兩張酥油皮的中央, 擠一寡nama khu-lín, 著完成啊!
Ū-kàu kan-tan koh sek-ha̍p chhiu-thiⁿ ê tiⁿ-lō͘!
有夠簡單閣適合秋天的甜路!
留言列表