Tortilla tī se-pan-gâ tio̍h-sī bé-lêng-chî nn̄g-piáⁿ. Ta̍k-koé ū party, se-pan-gâ ê pêng-iú siōng ài choe chit chhut, theh koè-lâi kā tāi-ke hun-hióng. Goá siong sī in-ūi chú chit-tō chhài chi̍t-tiám-á long-bô͘ kau-kang ê koan-hē.

Tortilla 佇西班牙著是馬鈴薯卵餅. 逐改有party, 西班牙的朋友尚愛做這出, 提過來kā大家分享. 我想是因為煮這道菜一點仔攏毋厚工的關係.

 

Kin-á-ji̍t só͘ iōng ê châi-liāu ū tām-po̍h-á piàn-hoà. Goá kò͘-ì ke chham chi̍t-koá so͘-chhài, tû-liáu kah-ì chú khí-lâi ê sek-chúi khah súi í-goā, mā ē-sái kiam chiah chi̍t-koá bé-lêng-chî. (khah bô͘-ài chiah siuⁿ-chē tiān-hún)

今仔日所用的材料有淡薄仔變化. 我故意加摻一寡蔬菜, 除了甲意煮起來的色水卡水以外, 嘛會使減食一寡馬鈴薯. (卡無愛食siunn多澱粉)

 

Châi-liāu:

bé-lêng-chî, poan liap, siah-phoe, chhiat-phiⁿ

chhang-thâu, poan liap, chhiat-si

í-tāi-lī chhì-koe, poan thiâu, chhiat-phiⁿ

âng tāi-tong-á, poan liap, chhiat tiâu(si)

nn̄g, 2 liap

kan-á-iû, 2-3 toa-thng-sî

材料:

馬鈴薯, 半粒, 削皮, 切片

蔥頭, 半粒, 切絲

義大利刺瓜, 半條, 切片

紅大同仔, 半粒, 切條()

, 2

橄仔油, 2-3 大湯匙

 

 

choè-hoat:

1. Jia̍t tiáⁿ iōng chi̍t-thng-sî ê iû seng chian bé-lêng-chî, chian ê sî-chūn sīn-soà sám chi̍t-tiám-á iâm-hoa; seng kā chian-hó ê bé-lêng-chî kiap-khí-lâi, khn̄g piⁿ-á. Koh khn̄g chi̍t thng-sî ê iû, oāⁿ chhá í-tāi-lī chhì-koe kā âng tai-tong-a; mā-sī khat khí-lâi, seng khn̄g piⁿ-á

2. Koh iúⁿ chi̍t thng-sî ê iû, seng chhá chhang-thâu, chhá kàu chhang-thâu hoán-nńg, pêng-kun pho-pai leh tiáⁿ bīn, bīn-téng koh pho chi̍t-chàn bé-lêng-chî phiⁿ, lo̍h-boé pho-pai í-tāi-lī chhì-koe kā âng tai-tong-a

3. Nn̄g seng khá-soáⁿ, chham kiâm-tiⁿ liáu-āu, tò-ji̍p-khì tiáⁿ-lāi, ho͘ nn̄g kā tiáⁿ lāi só͘-iú ê si̍t-chhâi lām choè-hoé, iōng sio kàu tiong-hoé bān-bān-á chian ho͘ sek

 

做法:

1. 熱鼎用一湯匙的油先煎馬鈴薯, 煎的時陣sīn-soà摻一點仔鹽花; kā煎好的馬鈴薯夾起來, khn̄g邊仔. khn̄g一湯匙的油, 換炒義大利刺瓜kā紅大同仔; 嘛是khat起來, khn̄g邊仔.

2. 閣舀一湯匙的油, 先炒蔥頭, 炒到蔥頭反軟, 平均鋪擺leh鼎面, 面頂閣鋪一層馬鈴薯片, 落尾鋪擺義大利刺瓜kā紅大同仔.

3. 卵先khá散, 摻鹹甜了後, 倒入去鼎內, 乎卵kā鼎內所有的食材lām作夥, 用小到中火慢慢仔煎乎熟.

arrow
arrow
    全站熱搜

    chhubietupang 發表在 痞客邦 留言(0) 人氣()